Mo Bhealach Féin / Seosamh MacGrianna

Níor mhaolaigh ar an tsuim a cuireadh sa leabhar seo ó céad-chuireadh i gcló é tríocha bliain ó shin.Is dócha gurb é ionracas intleachtúil an údair is cúis leis sin, agus an daonnacht neamh-bhalbh atá ina chuid scríbhneoireachta. Insíonn sé faoin bhfuath a bhí aige don Ghúm, faoina sheal mar 'fháidh', faoi na tithe lóistín ar éalaigh sé astu agus faoin turas fada siúlóireachta a rinne sé tríd an mBreatain Beag. Braitear gur fear é nach raibh meas aige ar choinbhinsean agus a raibh síorchoimhlint ar siúl idir a shamhlaíoct féin agus an gnáthshaol tur a raibh sé ceangailte leis. Thig leis, mar sin, a bheith filiúnta nó prósúil, mín nó garbh, leithscéalach nó dúshlánach gach re seal.

Is dócha gurb é Seosamh Mac Grianna an eiseamláir is fearr ar an stíl phraiticiúil próis a chleacht na hUltaigh.